ବିଭିନ୍ନ ଯୁଗରେ ଭାରତୀୟ ସମାଜ

 

                                        ବିଭିନ୍ନ ଯୁଗରେ ଭାରତୀୟ ସମାଜ

ଭାରତୀୟ ସମାଜର ଅଜଣା ଅତୀତରେ ହରପ୍ପା ସଭ୍ୟତା, ସିନ୍ଧୁ ଉପତ୍ୟକା, ବେଦ ଓ ଉପନିଷେଦ ଆଦି ହଜାର ହଜାର ଓ ଲକ୍ଷ ଲକ୍ଷ ବର୍ଷ ପୁରୁଣା ହୋଇଥିଲେ ହେଁ ଏହା ଭାରତର ସଂସ୍କୃତି ଓ ପୁରାତନ ଉତ୍ପତ୍ତି ସମ୍ବନ୍ଧରେ ଅନେକ ତଥ୍ୟ ଯୋଗାଇ ଥାଏ I ପ୍ରାକ୍ ଐତିହାସିକ ମନୁଷ୍ୟ କ୍ରମ ବିବର୍ତ୍ତନର ଧାରାରେ ବିଭିନ୍ନ ସୋପାନ ବା ସ୍ତର ମଧ୍ୟ ଦେଇ ବିକଶିତ ହୋଇଛି I ଏହି ଯୁଗଗୁଡିକ ହେଉଛି: ପ୍ରସ୍ତର ଯୁଗ, ତାମ୍ର ଯୁଗ, ଲୌହ ଯୁଗ,ବୈଦିକ ଯୁଗ,ମଧ୍ୟ ଯୁଗ, ଇଂରେଜ ରାଜତ୍ଵ ସମୟ ଓ ଆଧୁନିକ ଯୁଗ I

v  ପ୍ରସ୍ତର ଯୁଗ:    

·         ପୃଥିବୀ ପୃଷ୍ଠରେ ମାନବ ଜୀବନର ଆରମ୍ଭ ପ୍ରାୟ ୪୦ ଲକ୍ଷ ବର୍ଷ ପୂର୍ବେ ହୋଇଥିବା ଅନୁମାନ କରାଯାଏ I

·         ବୈଜ୍ଞାନିକମାନଙ୍କ ମତ ଅନୁଯାୟୀ ମାଙ୍କଡ ଠାରୁ ମନୁଷ୍ୟର ବିକାଶ ଆରମ୍ଭ ହୋଇଥିଲା I ସେମାନଙ୍କର ଆକାର ଓ ଗଠନ ଆଧୁନିକ ମନୁଷ୍ୟମାନଙ୍କ ଠାରୁ ବହୁ ମାତ୍ରାରେ ଭିନ୍ନ ଥିଲା I   

·         ପାଖାପାଖି ଛବିଶ ଲକ୍ଷ ବର୍ଷ ପୂର୍ବେ ମନୁଷ୍ୟ ସିଧା ହୋଇ ଠିଆ ହେଲେ ଓ ଦୁଇ ଗୋଡରେ ଚାଲିବାକୁ ଆରମ୍ଭ କଲେ I ଦକ୍ଷିଣ ଓ ପୂର୍ବ ଆଫ୍ରିକାରେ ଏହି ମନୁଷ୍ୟମାନଙ୍କର ପ୍ରଥମ ଉତ୍ପତ୍ତି ସ୍ଥଳ ଥିଲା I ସେମାନଙ୍କୁ ଅଷ୍ଟ୍ରାଲେପିଥେସାଇନ୍ସ ନାମରେ ନାମିତ କରାଯାଇଛି I

·         ଆଦି ମାନବର ଜୀବାଶ୍ମ ନ ମିଳି ପାରିଲେ ମଧ୍ୟ ମହାରାଷ୍ଟ୍ରର ବୋରୀ ଅଞ୍ଚଳରୁ ମିଳିଥିବା ମନୁଷ୍ୟ ନିର୍ମିତ ଦ୍ରବ୍ୟର ସନ୍ଧାନରୁ ତାହା ପ୍ରାୟ ଛଅ ଲକ୍ଷ ବର୍ଷ ତଳର ବୋଲି ଜଣା ପଡିଛି I  ଖ୍ରୀଷ୍ଟ ପୂର୍ବ ପାଞ୍ଚ ଲକ୍ଷ ବର୍ଷ ପୂର୍ବେ ଭାରତରେ ସର୍ବପ୍ରଥମେ ମନୁଷ୍ୟର ଆବିର୍ଭାବ ଘଟିଥିଲା ବୋଲି ତାମିଲନାଡୁରୁ କାଶ୍ମୀର ଓ ଗୁଜରାଟରୁ ଆସାମ ଅଞ୍ଚଳ ମଧ୍ୟରୁ ଆବିଷ୍କୃତ ହୋଇଥିବା ପୂର୍ବ ଜନବସତିଗୁଡିକ ଧାରଣା ଦେଇଥାଏ I    

·         ଅଷ୍ଟ୍ରାଲେପିଥେସାଇନ୍ସମାନଙ୍କ ଅଭ୍ୟୁଦୟ ପରେ ପ୍ରାୟ କୋଡିଏ ଲକ୍ଷ ବର୍ଷ ପୂର୍ବେ ହେମୋହବିଲ ନାମକ ମନୁଷ୍ୟ ଜାତି ସୃଷ୍ଟି ହେଲେ I ଏମାନେ ପ୍ରଥମେ ପ୍ରସ୍ତର ନିର୍ମିତ ସରଞ୍ଜାମମାନ ବ୍ୟବହାର କରିଥିଲେ ଏବଂ ତାହା ଦ୍ଵାରା ପ୍ରସ୍ତର ଯୁଗ ଆରମ୍ଭ ହେଲା ବୋଲି କୁହାଯାଏ I

·         ହେମୋହବିଲମାନଙ୍କ ପରେ ପରେ ହୋମୋଇରେକ୍ସ ନାମକ ମନୁଷ୍ୟ ଜାତି ସୃଷ୍ଟି ହେଲେ ଓ ସେମାନେ ପ୍ରଥମେ ନିଆଁର ବ୍ୟବହାର କରିଥିଲେ I 

·         ମନୁଷ୍ୟ କ୍ରମ ବିବର୍ତ୍ତନର ଧାରାର ପରିଶେଷରେ ହୋମୋସାପିଏନ୍ସମାନଙ୍କର ଉତ୍ପତ୍ତି ହୋଇଥିଲା I ନିଏଣ୍ଡରଥାଲ୍ ମାନବ  ହୋମୋସାପିଏନ୍ସମାନଙ୍କର ଏକ ବିଶିଷ୍ଟ ଉପଜାତି ଅଟନ୍ତି I ଆଧୁନିକ ମନୁଷ୍ୟ ଏହାର ଅନ୍ୟ ଏକ ଉପଜାତି ଅଟନ୍ତି I

·         ପ୍ରସ୍ତର ସରଞ୍ଜାମ ଓ ସେ ସମୟର ଜଳବାୟୁକୁ ଭିତ୍ତି କରି ପ୍ରସ୍ତର ଯୁଗକୁ ତିନି ଭାଗରେ ବିଭକ୍ତ କରାଯାଇଛି, ଯଥା: ପୁରାତନ ପ୍ରସ୍ତର ଯୁଗ, ମଧ୍ୟ ପ୍ରସ୍ତର ଯୁଗ ଓ ନୂତନ ପ୍ରସ୍ତର ଯୁଗ I

 

Ø  ପୁରାତନ ପ୍ରସ୍ତର ଯୁଗ:

·         ପୁରାତନ ପ୍ରସ୍ତର ଯୁଗରେ ମନୁଷ୍ୟର ବିଭିନ୍ନ ହତାହତିଆର ପଥର, କାଠ ଓ ହାଡରେ ନିର୍ମିତ ହୋଇଥିଲା I

·         ପୁରାତନ ପ୍ରସ୍ତର ଯୁଗରେ ମନୁଷ୍ୟମାନେ ବାଘ, ହାତୀ, ସିଂହ ଆଦି ବନ୍ୟଜନ୍ତୁଙ୍କ ଭୟରୁ ରକ୍ଷା ପାଇବା ପାଇଁ ଗୁମ୍ଫାରେ ବସବାସ କରୁଥିଲେ I

·         କୃଷି କିମ୍ବା କୁମ୍ଭାର ଜ୍ଞାନ କୌଶଳ ନ ଥିବା କାରଣରୁ ପୁରାତନ ପ୍ରସ୍ତର ଯୁଗରେ ମନୁଷ୍ୟମାନେ ଜଙ୍ଗଲରୁ ଶିକାର ଓ ଖାଦ୍ୟ ସଂଗ୍ରହ କରି ଜୀବନଯାପନ କରୁଥିଲେ I

·         ମଧ୍ୟ ପ୍ରଦେଶର ଭିମ୍ବେଟ୍କାର ପଥର ଉପରେ ଖୋଦିତ ହୋଇଥିବା ବିଭିନ୍ନ ଚିତ୍ରରୁ ସେ ସମୟର ମନୁଷ୍ୟର ଜୀବନ ଶୈଳୀ ସମ୍ବନ୍ଧରେ ସୂଚନା ମିଳିଥାଏ I  

·         ନିଆଁର ବ୍ୟବହାର ଜାଣି ନ ଥିବା କାରଣରୁ ପୁରାତନ ପ୍ରସ୍ତର ଯୁଗରେ ମନୁଷ୍ୟମାନେ କଞ୍ଚା ମାଂସ ଖାଉଥିଲେ ଓ ଯାଯାବର ଜୀବନ ଅତିବାହିତ କରୁଥିଲେ I       

·         ପୁରାତନ ପ୍ରସ୍ତର ଯୁଗର ଜଳବାୟୁ ଅତ୍ୟନ୍ତ ଶୀତଳ ହୋଇଥିବା କାରଣରୁ ଏହାକୁ ତୁଷାର ଯୁଗ (Ice Age) ବୋଲି ମଧ୍ୟ ଆଖ୍ୟା ଦିଆଯାଇଥାଏ I ଏହି ଯୁଗର ପରିସମାପ୍ତି ପ୍ରାୟ ପନ୍ଦର ହଜାର ବର୍ଷ ପୂର୍ବେ ହୋଇଥିଲା I

 

Ø  ମଧ୍ୟ ପ୍ରସ୍ତର ଯୁଗ:

·         ପୁରାତନ ପ୍ରସ୍ତର ଯୁଗର ପରବର୍ତ୍ତୀ ସମୟରେ ପୃଥିବୀ ପୃଷ୍ଠରେ ଜଳବାୟୁର ବିଶେଷ ପରିବର୍ତ୍ତନ ଦେଖାଦେଲା ଓ ମଧ୍ୟ ପ୍ରସ୍ତର ଯୁଗର ଆରମ୍ଭ ହେଲା I ଜଳବାୟୁ ଉଷ୍ମ ଓ ଶୁଷ୍କ ହେବା କାରଣରୁ ଉଦ୍ଭିଦ ଓ ପ୍ରାଣୀଜଗତ ନିମନ୍ତେ ଅନୁକୂଳ ପରିବେଶ ସୃଷ୍ଟି ହେଲା ଓ ମନୁଷ୍ୟକୁ ବିଭିନ୍ନ ସ୍ଥାନକୁ ଯାତାୟାତ କରିବା ସମ୍ଭବପର ହୋଇପାରିଲା I   

·         ମଧ୍ୟ ପ୍ରସ୍ତର ଯୁଗର ମନୁଷ୍ୟମାନେ କୃଷି ଓ ପଶୁପାଳନ କାର୍ଯ୍ୟ କରି ନଦୀ କୂଳରେ ବସତି ସ୍ଥାପନ ଆରମ୍ଭ କଲେ I ମଧ୍ୟ ପ୍ରଦେଶର ଆଦାମଗଡ ଓ ରାଜସ୍ଥାନର ବାଗୋର ଅଞ୍ଚଳରେ ଖ୍ରୀଷ୍ଟ ପୂର୍ବ ପାଞ୍ଚ ହଜାର ବର୍ଷ ପୂର୍ବେ ପଶୁପାଳନର ପ୍ରମାଣ ମିଳିଛି I  

 

Ø  ନୂତନ ପ୍ରସ୍ତର ଯୁଗ:

•  ପ୍ରସ୍ତର ଯୁଗର ଶେଷ ଭାଗକୁ ନୂତନ ପ୍ରସ୍ତର ଯୁଗ କୁହାଯାଏ I ଏହି ସମୟରେ ଜଳବାୟୁ ଉଷ୍ମ ଓ ଆର୍ଦ୍ର ଥିଲା I ଏହି ସମୟରେ ମନୁଷ୍ୟ କୃଷି ଓ ପଶୁପାଳନ ଜ୍ଞାନ ଲାଭ କରିବା ସହ ସ୍ଥାୟୀ ଭାବରେ ବସବାସ କରିବା ଶିଖିଲେ I କାଠକୁ କାଠ ବା ପଥରକୁ ପଥର ସହ ଘସି ନିଆଁ ସୃଷ୍ଟି କରିବା ଶିଖିଲେ ଓ ମାଂସକୁ ପୋଡି ଖାଇବା ଶିଖିଲେ I

·         ନୂତନ ପ୍ରସ୍ତର ଯୁଗରେ ମନୁଷ୍ୟ ହାତରେ ବିଭିନ୍ନ ମାଟି ତିଆରି ଉପକରଣ କରିବା ସହିତ ପଥରରେ ବିଭିନ୍ନ ପ୍ରକାର ସୁନ୍ଦର ଚିକ୍କଣିଆ ହତାହତିଆର ତିଆରି କଲେ I ପରବର୍ତ୍ତୀ ସମୟରେ ଚକର ବ୍ୟବହାର ଜାଣିଲେ I ସୂତାକଟା ଓ ଲୁଗାବୁଣା ଆଦି କୌଶଳ ଶିଖଲେ I ଧନୁ ଓ ଶରର ବ୍ୟବହାର ଜାଣିଲେ I

·         ଏହି ନୂତନ ପ୍ରସ୍ତର ଯୁଗ ମନୁଷ୍ୟର ଜୀବନ ଶୈଳୀରେ ସଂପୂର୍ଣ୍ଣ ପରିବର୍ତ୍ତନ ଆଣି ଯାଯାବର ଜୀବନକୁ ଏକ ସ୍ଥାୟୀ ଜୀବନଯାପନ କରିବା ପାଇଁ ପଥ ପ୍ରଶସ୍ତ କରିଥିଲା I